Fariz Nəcəfovdan cəbhədən qələbə təbriki

İkinci Qarabağ müharibəsinin iştirakçısı, “Qələbə” klubunun prezidenti Fariz Nəcəfov qazanılan qələbə münasibəti ilə Feysbuk səhifəsində paylaşım edib.

Futbolxeber.az saytının məlumatına görə, ilk günlərdən cəbhə zonasında olan Nəcəfov bunları yazıb:

“Böyük Vətən müharibəsində qazandığımız möhtəşəm qələbə münasibətilə Ali Baş Komandan başda olmaqla xalqımızı təbrik edirəm!

Bu qalibiyyətin əldə olunmasında qəhrəmanlıqla şəhid​ olan hər bir əsgər və zabitimizin ruhu qarşısında baş əyirəm!

Şəhidlərimizin valideynlərinin əllərindən öpürəm!

Tarixi zəfərin əldə olunmasında "hər şey cəbhə üçün" devizi altında birləşən və ölçüyəgəlməz ruh yüksəkliyi ilə ordumuzun yanında olan millətimizin hər bir övladı ilə fəxr edirəm!

Qalib Azərbaycan xalqına eşq olsun!”