Kiyevdə ingillislərə hücum edildi, 3 azarkeş xəstəxanalıq oldu

Bu gün səhər saatlarında Kiyevin mərkəzində 30 yerli azarkeş 10-a yaxın ingilis fanatın üzərinə hücum çəkib. Futbolxeber.az-ın məlumatına görə, hücum edən edənlər üzlərini bağlayıblar və əllərində bıçaq olub. İngiltərəli azarkeşlərdən biri qarşıdurma haqda belə danışıb: "Biz bura Ukrayna - İngiltərə oyuna baxmaq və komandamıza dəstək olmaq üçün gəlmişik. Bu gün Avro-2012-də tez-tez istirahət etdiyim bir kafeyə gəldik. Biz içəridə oturmuşduq. Uşaqlardan biri siqaret çəkmək üçün bayıra çıxdı. Hər şey də bundan sonra başladı. Gördük ki, 30-a yaxın adam dostumuza hücum edib. Biz də dərhal ona köməyə qaçdıq".

İngilis azarkeşlərdən 3-ü xəstəxanaya aparılıb. Onlardan biri bıçaqlanıb. Birinin başı yarılıb, üçüncü də ağır xəsarət alıb.

Hüquq-mühafizə orqanları hadisə ilə bağlı heç kimi saxlamayıb.