“Unudulmaz xatirələr”in növbəti qonağı: əsri yarılayan Arif Əsədov

Bu gün milli komandamızın və “Neftçi”nin veteran futbolçusu, yığmamızın məşqçisi Arif Əsədov üçün əlamətdar gündür.

Futbolxeber.az saytının məlumatına görə, Əsədovun bu gün 50 yaşı tamam olur.

A.Əsədov 1987-1993, 1995-1997, 2000-2002-ci illər aralığında “Neftçi”nin heyətində 300 oyuna çıxıb və 5 qol vurub. “Ağ-qaralar”ın heyətində 3 dəfə (1992, 1996, 1997) Azərbaycan çempionu olub, 2 dəfə (1995, 1996) ölkə kubokunu, 1 dəfə (1993) Azərbaycan Superkubokunu başı üzərinə qaldırıb.

SSRİ-nin yeniyetmələrdən ibarət yığma komandasının heyətində dünya (1987) və Avropa (1988) çempionu olub.

Əsədov sabah “Neftçi TV”nin yubiley münasibətilə hazırladığı “Unudulmaz xatirələr”də qonaq olacaq. Sözügedən veriliş avqustun 19-u saat 15:00-da efirdə olacaq.

https://www.youtube.com/c/NeftchiTv?fbclid=IwAR1pGrck9q_mQ3pDyDnVtcIIITM0bBwm99Q-5c0iMUf9WRnS51odvb7ytSc