Ronaldo Mənsimovun dəvətini qəbul etdi

"Xəzər Lənkəran"ın fəxri prezidenti və “Palmali” şirkətlər qrubunun sahibi Mübariz Mənsimov dünyanın ən yaxşı futbolçularından olan "Real"ın hücumçusu Kriştiano Ronaldonu Türkiyəyə gətirəcək. Futbolxeber.az-ın məlumatına görə, bu barədə Türkiyənin "Hürriyet" qəzeti xəbər yayıb.

Məlumatda bildirilir ki, azərbaycanlı iş adamı ABŞ-in məşhur ləl-cəvahirat markalarından olan “Jacob & Co”nun Bodrumda ilk mağazasını açacaq. Mağazanın açılış mərasiminə Portuqaliya millisinin və “Real”ın dünyaca məşhur futbolçusu Kriştiano Ronaldo da qatılacaq.

Qeyd edək ki, müştəriləri əsasən Hollivud ulduzları, məşhur futbolçular olan bu şirkətin Türkiyədə ikinci mağazasının da Mənsimov tərəfindən Bodrumda açılacağı bildirilir.