Vüqar Nadirov Fariz Məmmədova “Qarabağ”ın formasını hədiyyə etdi

Azərbaycanın ilk peşəkar boskçusu, “Qəbələ” İdman Klubunun üzvü Fariz Məmmədov bu gün yaxın dostu, tanınmış jurnalist, Qol.az saytının baş redaktoru Aydın Bağırovla birgə “Qarabağ”ın bazasını ziyarət edib. Futbolxeber.az-ın məlumatına görə, ziyarətin səbəbi Fariz Məmmədovun hazırda çiynində olan zədədir. Həkimlərin məsləhəti ilə tanınmış boksçu məhz “Qarabağ”ın təcrübəli həkimlərinin yanında olub və müayinədən keçib.

Bazada olarkən Fariz Məmmədov “Qarabağ”ın futbolçuları ilə də görüşüb. Komanda üzvlərinə “Tvente” ilə oyunda uğurlar arzulayan Məmmədov, Hollandiya təmsilçisi ilə matça canlı olaraq stadiondan tamaşa edəcəyini də vurğulayıb.  

Sonda isə “Qarabağ”ın aparıcı üzvü Vüqar Nadirov öz formasını Fariz Məmmədova hədiyyə edib.