14 Oktyabr 2025, Çərşənbə axşamı
Millimiz Ukraynaya uduzdu
U-17 millimiz darmadağın oldu
AFFA Santuşa təzminat ödəyib
Millimiz Fransaya uduzdu

Minifutbol

Yaşar Seyidovun 60 illiyinə…

Şriftin ölçüsü: Şrifti böyüt Şrifti kiçilt
22.05.2023 16:07
Zaman tez keçir. İllərini klub fəaliyyətinə həsr etmiş, futbolumuzda dövlət qayğısının təmin olunmasında müstəsna xidmətləri olmuş, futbol idarəçiliyində böyük təcrübəyə sahib Yaşar Seyidovun bu gün 60 illik yubileyidir!
 
Yaşar müəllim "Dinamo" Bakıya rəhbərlik etdiyi dövrlərdən özünü bacarıqlı klub idarəçisi kimi göstərməyi bacarıb. O dövrdə AFFA ilə qarşıdurmada olan, qarşısına hər dəfə süni səddlər çəkilən, Azərbaycanın ən istedadlı məşqçilərindən biri olmuş, peşəkarlığı ilə yanaşı prinsipiallığı ilə seçilən Ruslan Abdullayevlə işbirliyindən çəkinmirdi.
 
Klubla fəaliyyəti ilə yanaşı Azərbaycan futbolunun problemləri ilə yaxından maraqlanan Yaşar Seyidov AFFA Icraiyyə Komitəsinin üzvlüyünə kimi yüksəlmişdi. Ölkə futbolunda baş verən problemləri komitədə çəkinmədən dilə gətirirdi.
 
"Dinamo"nun "Bakı" klubu ilə birləşməsi Yaşar Seyidovun futbol fəaliyyətində yeni era başlatdı. Klub quruculuğunun, strategiyasının müəyyənləşməsi, infrastruktur layihələri, uşaq futbolundan tutmuş əsas komandaya kimi ardıcıllıq böyük zəhmət, əmək tələb edirdi. 
 
Klub sponsorları, rəhbərləri ilə birgə qısa vaxtda gələcəyə hesablanan təməl prinsiplərinə uyğun bünövrə işləri görüldü. Bu baxımdan Yaşar Seyidovun bacarığı, futbol qanunlarına söykənən təcrübəsi yerinə düşürdü və xidmətlərini əsirgəmirdi.
 
Yaşar müəllimin futbol strategiyası gələcəyə hesablanırdı. "Bakı" klubunda uşaq futboluna diqqətin, qayğının göstərilməsi, akademiyanın yaradılması, şəraitin qurulması, təcrübəli funksionerin məsləhətləri ilə həyata keçirilirdi.
 
Yaşar Seyidovun sayəsində "Bakı" klubu "Sabahın ulduzları" uşaq futbol layihəsinin bir nömrəli dəstəkçilərindən biri idi. Futbol fəlsəfəsini dərindən bilən Yaşar müəllim, yarışların mahiyyətini gözəl anlayırdı və sabahın futbolçularının yetişməsinin mütləq faktor olduğunu ruhu ilə dərk edirdi.
 
Bu gün üzdə olan futbolçuların bir çoxunun "Bakı"nın yetirmələri olduğu təsadüfi deyil. Təəssüf ki, görülən işlər nəinki yarımçıq qaldı, min əziyyətlə, böyük vəsaitlər hesabına ərsəyə gəlmiş stadion/baza/akademiya yerlə bir edildi, Azərbaycan futboluna sağalmaz zərbə vuruldu.
 
Bu gün də Yaşar Seyidov məhdud imkanlarla ölkə futbol gəncliyinə töhfələrini verməkdə davam edir. Baxmayaraq ki, Yaşar müəllimin təcrübəsindən daha geniş, Azərbaycan futbolu miqyasında istifadə olunmalıdır. Bunun üçünsə ölkə futbol təsərrüfatında münbit, sağlam mühitin yaradılması mütləqdir!
 
Yaşar Seyidov eyni zamanda gözəl ailə başçısıdır. Oğlu, yaxın keçmişin futbolçusu Valeh Seyidov 44 günlük haqq savaşında torpaqlarımızın işğaldan azad olunmasında iştirak etdi, Vətənə borcunu sədaqətlə yerinə yetirdi. Heç şübhəsiz, bu, ailədə aldığı tərbiyyənin, xalqa, dövlətə, dövlətçiliyə bağlı olmağının bariz nümunəsi idi.
 
Yaşar Seyidova 60 illik yubileyində cansağlığı, uğurlar arzulamaqla yanaşı, gənclik ruhu ilə yorulmadan Azərbaycan futboluna xidmət etməyi, müvafiq qurumların təcrübəli funksionerin əməyindən layiqincə yararlanmağı arzu edirəm!
 
Daha böyük yubileylər diləyi ilə...
 
Tahir Süleymanov
Yazı müəllifin feysbuk səhifəsindən götürülüb

Xəbəri paylaş






Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  





Minifutbol

Azərbaycanlı hakim Çempionlar Liqasına təyinat alıb

ÇL: Azərbaycan klublarının rəqibləri müəyyənləşdi

“Azercell” dünya çempionlarını təbrik edib

Millimizin dünya çempionluğu münasibətilə konsert proqramı

Prezident Minifutbol Federasiyası ilə bağlı Sərəncam imzaladı

Taleh Nəsibov: “Komanda olaraq bu işi yüksək səviyyədə bacardıq”

Prezident İlham Əliyevin milli komandamızla görüşü

İlham Əliyev minifutbol üzrə Azərbaycan milli komandasının üzvlərini qəbul edib - YENİLƏNİB

Çox oxunan xəbərlər

  1. “Sabah”dan növbəti biabırçılıq: Komanda hava limanından geri qaytarıldı
  2. “Neftçi”nin legioneri: “Bu, penaltidirsə, mən futbolla vidalaşaram”
  3. VI turun hakim təyinatları açıqlandı
  4. Yenə “Sabah”, yenə hakim biabırçılığı...
  5. “Sabah”ın qolunu alqışlayan AFFA-nın vitse-prezidenti... - TƏƏSSÜRAT
  6. Ozobiç: “Onların yaxşı komanda olması heç nəyi dəyişmir, səfərə 3 xal üçün gedəcəyik”
  7. Elvin Məmmədov: “Bu dəqiqə o riski edə bilmərik”
  8. Prezident “Qarabağ”ı təbrik etdi
  9. "Benfika" - "Qarabağ" oyununun hakimləri açıqlandı
  10. Murad Xaçayev: “Bu nədirsə, futbolla bağlı deyil...”
  11. Azərbaycan klubu ilə müqavilə imzalamağa gələn qapıçı sərhəddə saxlanıldı
  12. “Qurban olum, Qurban hocaya”
  13. Ramil Əhmədov Elitar divizionda rəqiblərini üstələdi
  14. İmad Faraj: “Hakimlər hər tur “Neftçi”ni “öldürürlər”
  15. "Qarabağ" sektorlara azad olunan rayonların adlarını verdi

Arxiv

Oktyabr 2025
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30 31