Koxalski “Qarabağ”dan rəsmən getdi

Mateuş Koxalskinin “Qarabağ”dan gedişi rəsmiləşib.

Futbolxeber.az saytının məlumatına görə, bu barədə Ağdam klubunun mətbuat xidməti açıqlama yayıb.

Polşalı qolkiper karyerasını ölkəsində “Vyeçista” klubunda davam etdirəcək.

Klublar arasında aparılan danışıqlar uğurla yekunlaşıb və qapıçının transferi ilə bağlı razılıq əldə olunub. "Qarabağ" Mateuş Koxalskinin transferi ilə bağlı “Vyeçista” klubunun təklifinə futbolçunun istəyini nəzərə alaraq müsbət cavablandırıb.

2024-cü ilin yayında “Qarabağ”a keçən polşalı qapıçı bu müddətdə 76 oyun keçirib. O, komandada Azərbaycan çempionu olub (2024/25), UEFA Çempionlar Liqasında 1/8 finala vəsiqə uğrunda pley-offa qədər irəliləyib və turnirdəki 40 seyvlə “Top-3”də qərarlaşıb.

"Qarabağ" futbolçuya klubda çıxış etdiyi müddətdə nümayiş etdirdiyi peşəkarlığa, komandanın uğurlarına verdiyi töhfəyə görə təşəkkür edib, gələcək karyerasında uğurlar arzulayıb.