“Turan Tovuz” azarkeşlərindən Rəhim Həsənova etiraz: #baximvariniza

“Turan Tovuz” azarkeşləri Hakimlər Komitəsinin sədri Rəhim Həsənovun açıqlamasından sonra sosial şəbəkələrdə etiraz aksiyasına başlayıblar.

Futbolxeber.az saytının məlumatına görə, azarkeşlər #baximvariniza həştəqi ilə paylaşım edərək “Turan Tovuz” - “Şamaxı” oyununda yaşanan məlum epizodla bağlı obyektiv qərarın verilmədiyini düşündüklərini bildirirlər.

Onlar mübahisəli epizodla bağlı daha aydın və ədalətli yanaşma tələb edirlər.

Xatırladaq ki, Azərbaycan Premyer Liqasının ikinci turunda keçirilən “Turan Tovuz” - “Şamaxı” matçında meydan sahiblərinin cərimə zərbəsindən endirdiyi zərbədən sonra top qapı xəttini keçsə də, meydan sahiblərinin qolu hesaba alınmayıb.