Dənizli: “Bunu demək çətindir”

“Oyunu qazandıq, yoxsa uduzduq, bunu demək çətindir. Buraxdığımız hər iki qol epizodunu izah etməyə çətinlik çəkirəm". Futbolxeber.az-ın məlumatına görə, bu sözləri “Neftçi” ilə oyundan sonra “Xəzər Lənkəran”ın baş məşqçisi Mustafa Dənizli deyib.

Təcrübəli mütəxəssis rəqibin daha sakit oynadığını bildirib: “Oyun gərgin başlandı. Bu, mənim üçün ilk "Böyük oyun" idi. Ona görə də matçın psixologiyasını bilmirdim. İki top fərqi ilə geridə olmağımıza baxmayaraq, hesabı bərabərləşdirə bildik. Bu da o deməkdir ki, hər şey bizim üçün yaxşı oldu. Razıyam ki, "“Neftçi” bizdən daha sakit oynadı, daha ağıllı ötürmələr verdi".