Hacıyev hakimdən şikayətləndi

“Oyun haqqında şərh vermək istəmirəm. Hakimin əlində ixtiyar olsaydı, 11 futbolçumun hamısını oyundan çıxarardı". Futbolxeber.az-ın məlumatına görə, bu sözləri “Xəzər Lənkəran”la oyundan sonra “Neftçi”nin baş məşqçisi Böyükağa Hacıyev deyib.

B.Hacıyev oyunun maraqlı alınmadığını bildirib: “Təəssüflər olsun ki, bu, “Böyük oyun” olmadı. Tarixə keçən adi çempionat oyunu oldu. Hesabda 2-0 irəlidə idik, son 10-15 dəqiqədə isə 2 qol buraxdıq. Rəhim Həsənov bu 10-15 dəqiqədə fövqəladə hakimlik etdi. Onun ömrü boyu “Neftçi” ilə problemi olub, bu, birinci hal deyil. Nə edirsə, özü bilər. Onu hakimliyini araşdırmaq Hakimlər Komitəsinin sədri Xaqani Məmmədovun işidir. Oyun maraqlı da deyildi, adi oyun idi. Təəssüflənirəm ki, 3 xalımızı Rəhim Həsənov əlimizdən aldı”.