“İnter”dən növbəti transfer

“İnter” klubu növbəti transferini reallaşdırıb. Bu haqda Futbolxeber.az saytına “İnter”in mətbuat xidmətinin rəhbəri Səbuhi Məmmədov məlumat verib. Klub rəsmisi qeyd edib ki, komanda çexiyalı hücumçu İvo Toborskini heyətinə qatıb. Çex futbolçu ilə 6 aylıq müqavilə imzalanıb.

Qeyd edək ki, 28 yaşlı futbolçu “Slaviya”nın yetirməsi olsa da, 5 il ərzində o, Praqa klubunda cəmi 4 oyuna çıxıb. İcarə əsasında “Bogemians 1905” (16 oyun, 2 qol), “Pribram” (6 oyun), “Ceske Budejovice” (20 oyun, 9 qol), “Slovan” (9 oyun, 1 qol) və “Dinamo Ceske Budejovice” (22 oyun, 4 qol) klublarında forma geyən “İnter”in yeni transferi 2007-2013-cü illər aralığında “Mlada Boleslav” (96 oyun, 11 qol), son olaraq isə “Teplitse”də forma geyib.