Aleksandr Mostovoy: “Rusiya klubları “Qarabağ”dan güclüdür”

Rusiya millisinin sabiq yarımmüdafiəçisi Aleksandr Mostovoy yerli klubların səviyyəsini Azərbaycan çempionu “Qarabağ”la müqayisə edib.

Futbolxeber.az saytının məlumatına görə, bu barədə o, “Sovetski sport” qəzetinə müsahibəsində bildirib.

Mostovoyun sözlərinə görə, mövcud format və legioner limiti Rusiya klublarına Avropa səhnəsində daha iddialı olmağa imkan verərdi:

“Hazırkı format və 15 legionerlə “Zenit”in Çempionlar Liqasının pley-off mərhələsinə çıxacağına şübhə yoxdur. ÇSKA da avrokubokların pley-offuna yüksələrdi. Bizim klublar “Kayrat” və “Qarabağ”dan güclüdür, amma əlbəttə ki, üzərində işləməli məqamlar var”.

Qeyd edək ki, FIFA və UEFA-nın tətbiq etdiyi qadağaya görə Rusiya klubları və milli komandaları 2022-ci ilin fevralından beynəlxalq yarışlarda iştirak edə bilmirlər.