ÇL: “Qarabağ” pley-offa yüksəldi

UEFA Çempionlar Liqasının Liqa mərhələsinin son turunda “Liverpul”a 0:6 hesabı ilə uduzmasına baxmayaraq, “Qarabağ” pley-offa yüksəlib.

Futbolxeber.az saytının məlumatına görə, Ağdam təmsilçisi digər matçların nəticələrindən asılı olaraq, ilk 24-lüyə düşməyi bacarıb.

Qurban Qurbanovun komandası 10 xalla Liqa mərhələsini 22-ci pillədə başa vurub.

“Arsenal”, “Liverpul”, “Bavariya”, “Tottenhem”, “Barselona”, “Çelsi”, “Sportinq” və “Mançester Siti” ilk 8 yerin sahibi kimi birbaşa 1/8 finala adlayıblar.

“Qarabağ”la yanaşı, “Real”, “İnter”, PSJ, “Nyukasl”, “Yuventus”, “Atletiko”, “Atalanta”, “Bayer Leverkuzen”, “Borussiya” (Dortmund), “Olimpiakos”, “Brügge”, “Qalatasaray”, “Monako”, “Bodo Qlimt” və “Benfika” pley-offa adlayıblar.