"Qarabağ" "Liverpul" səfərində

Bu gecə "Qarabağ" Çempionlar Liqasının Liqa mərhələsində sonuncu - 8-ci tur matçına çıxacaq.

Futbolxeber.az saytının məlumatına görə, Qurban Qurbanovun komandası səfərdə "Liverpul"la qarşılaşacaq.

Hazırda "Qarabağ" turnir cədvəlində 10 xalla 18-cidir. "Liverpul" isə 15 xalla 4-cüdür. Bu oyun hər iki komanda üçün xüsusi əhəmiyyət daşıyır və heç biri ən azı uduzmamağa çalışacaq. "Liverpul" qalib gəlməlidir ki, 1/8 finala vəsiqəni birbaşa təmin etsin. "Qarabağ"a isə pley-offa adlamaq üçün 1 xal da kifayət edəcək. Amma Ağdam klubunun nəzəri baxımdan həmin mərhələdə oynamaq şansı uduzsa belə qalacaq. Bu, digər matçların nəticəsindən asılı olacaq.

Ümumilikdə 8-ci turun 18 matçının hamısı eyni gün və eyni saatda start götürəcək.

Xatırladaq ki, ÇL-də ilk 8 yeri tutanlar birbaşa 1/8 finala vəsiqə qazanır, 9-24-cü yeri tutanlar isə "pley-off"da (şərti olaraq 1/16 final) oynamaq hüququ əldə edir. 25-36-cı yeri tutanlar isə bu mövsüm üçün avrokuboklarda mübarizəni başa vurur.

UEFA Çempionlar Liqası

Liqa mərhələsi, 8-ci tur

28 yanvar

00:00. "Liverpul" (İngiltərə) - "Qarabağ" (Azərbaycan)

Baş hakim: İvan Krujlyak (Slovakiya)

Liverpul, "Enfild Roud"