"Sumqayıt" "Pakş"a məğlub oldu

Türkiyənin Antalya şəhərində təlim-məşq toplanışında olan "Sumqayıt" bu gün hazırlıq prosesi çərçivəsində ilk yoxlama görüşünü keçirib.

Futbolxeber.az saytının məlumatına görə, Saşa İliçin komandası Macarıstanın “Pakş”ı ilə qarşılaşıb.

Oyun macarların 5:1 hesablı qələbəsi ilə başa çatıb. "Sumqayıt"ın heyətində yeganə qolu Rüstəm Əhmədzadə vurub. 

Qeyd edək ki, "Pakş" hazırda 33 xalla Macarıstan çempionatında üçüncü pillədə qərarlaşıb.

Əlavə edək ki, “gənclik şəhəri” təmsilçisi Türkiyədə daha 2 yoxlama oyununa çıxacaq. “Sumqayıt” yanvarın 12-də Serbiyanın OFK, 16-da isə Xorvatiyanın “Osiyek” klubu ilə üz-üzə gələcək.