“Kəpəz” də Yevlaxa “köçür”

Azərbaycan Premyer Liqasının 13-cü turundan başlayaraq “Kəpəz” klubu ev oyunlarını Yevlax şəhər stadionunda keçirəcək.

Futbolxeber.az saytının məlumatına görə, “Qəbələ” İK və “Kəpəz” PFK arasında imzalanmış müqavilənin müddəti tərəflərin qarşılıqlı razılıq əldə etməməsi səbəbindən uzadılmayıb.

Müqavilənin müddətinin uzadılmamasını, “Kəpəz” klubunun müraciətini, “Karvan-Yevlax” klubunun razılıq məktubunu nəzərə alaraq Peşəkar Futbol Liqası Azərbaycan Premyer Liqasının 13-cü turundan etibarən “Kəpəz” klubunun ev oyunlarının Yevlax şəhər stadionunda keçirilməsinə qərar verib.