U-21 millimizdən böyük hesablı məğlubiyyət

Azərbaycanın U-21 millisi bu gün Avropa çempionatının seçmə mərhələsində ilk oyununa çıxıb.

Futbolxeber.az saytının məlumatına görə, Ayxan Abbasovun komandası Portuqaliyanın qonağı olub.

Bu görüş millimizin baş məşqçisi Ayxan Abbasovun komanda ilə ilk rəsmi oyunu idi. Lakin onun debütu uğursuz alınıb. Millimiz rəqibinə böyük hesabla uduzub.

Azərbaycan millisi B qrupunda Şotlandiya, Bolqarıstan, Portuqaliya, Çexiya və Cəbəllütariqlə mübarizə aparacaq. U-21-in növbəti oyunu Bolqarıstana qarşı olacaq. Görüş sentyabrın 9-da Bakıda keçiriləcək.

Avropa çempionatı, seçmə mərhələ

I tur

5 sentyabr

Portuqaliya U-21 - Azərbaycan U-21 - 5:0

Qollar: Rodriqo Mora, 48, Covanni Queda, 52, Leonardo Barroso, 57, Karlos Forbs, 73, Vivaldo Semedo, 90+3

Baş hakim: Konstantinos Fellas (Kipr)

Barcelos. "Cidade de Barcelos" stadionu