“Sumqayıt” - “Kəpəz” oyununun biletləri satışda

Azərbaycan Premyer Liqasının ilk turu çərçivəsində keçiriləcək “Sumqayıt” - “Kəpəz” oyununun biletləri satışa çıxarılıb.

Futbolxeber.az saytının məlumatına görə, biletləri iTicket.az, 1 saylı Sumqayıt ASAN Xidmət mərkəzi, oyundan bir gün öncə və oyun günü səhər saatlarından etibarən isə Mehdi Hüseynzadə adına stadionun kassasından əldə etmək mümkündür.

Qeyd edək ki, biletlərin qiyməti sektorlardan asılı olaraq 2, 3, 5 və 10 manatdır. “BirBank Cashback Mastercard” kartları ilə onlayn bilet alışı zamanı 30% keşbek əldə etmək mümkündür.

Xatırladaq ki, sentyabrın 17-də Mehdi Hüseynzadə adına Sumqayıt şəhər stadionunda keçiriləcək “Sumqayıt” - “Kəpəz” oyunu 20:30-da start götürəcək.