“Rəvan”ı türk məşqçi çalışdıracaq

Şahin Diniyevin gedişindən sonra baş məşqçisiz qalan “Rəvan”ı türkiyəli mütəxəssis çalışdıracaq. Futbolxeber.az-ın məlumatına görə, komandanın başına Güvenç Kurtar keçəcək. Bu haqda türkiyəli məşqçinin özü açıqlama verib: “Rəvan”la ilkin razılığa gəlmişəm. Sabah (bu gün-red.) Azərbaycana səfər edəcəyəm. Əgər son danışıqlar da müsbət nəticələnsə, yanvarın 6-da rəsmi müqavilə imzalanacaq".

Qeyd edək ki, Kurtar karyerası ərzində “Darıca Gençlerbirliği”, “Kocaelispor”, “Sarıyer”, “Petrolofisi”, “Eskişehirspor”, “Zeytinburnuspor”, “Kocaelispor”, “Diyarbakırspor”, “Kocaelispor”, “Elazığspor”, “Akçaabat Sebatspor”, “Çaykur Rizespor”, “Denizlispor”, “Bursaspor”, “Diyarbakırspor”, “Altay”, “Denizlispor” və “Adana Demirspor” klublarını çalışdırıb.