“Fransaya getmək şansımız var”

Milli komandamızla müqaviləsini daha iki illiyinə uzadan Berti Foqts “Sky Sport”a açıqlama verib. Futbolxeber.az-ın məlumatına görə, alman mütəxəssis ölkəmizdə futbola münasibətin əvvəllər istənilən səviyyədə olmadığını qeyd edib: “Hiss edirəm ki, komandanın yaxşı potensialı var. Ona görə də köməkçim Uli Ştaynla daha iki il Azərbaycanda qalmağı üstün tutduq. Futbol Azərbaycanda çox vaxt "ögey övlad" olub. Ancaq indi orada yeni futbol stadionları inşa edilir, məktəblər açılır. Avro-2016-də yaxşı çıxış etməyə çalışacağıq. Nəzərə alaq ki, növbəti qitə birinciliyinin final mərhələsində 16 yox, 24 komanda iştirak edəcək. Buna görə də bizim Fransaya getmək şansımız var. AFFA prezidenti də mənimlə söhbətində dedi ki, bunun üçün yaxşı gənc oyunçular lazımdır”.

Foqts digər məqsədlərini də açıqlayıb: “Azərbaycan millisinin digər hədəfi “Avro-2020”nin final mərhələsində oynamaqdır. Çünki Azərbaycan həmin yarışın üç oyununu keçirməyə namizəddir. Ona görə də gənc futbolçular indidən həmin yarışda ən yaxşı formada olmaq haqda düşünməlidirlər”.