3 Aprel 2025, Cümə axşamı
Samir Abasov: “İnam 100 faiz var”
Elmar Baxşıyevdən qələbə şərhi
II Liqada XIX tura start verildi
“Neftçi”, sabaha saxlama!

Ölkə futbolu

Millimizin hücumçusu: “Ayxan Abbasovun ilk tələbi vətənpərvərlik oldu”

21 yaşadək futbolçulardan ibarət Azərbaycan millisinin yeni baş məşqçisi Ayxan Abbasovun futbolçulardan ilk tələbi vətənpərvərlik olub.

Futbolxeber.az saytının məlumatına görə, bu barədə “Teleqraf”a yığmanın hücumçusu Sadiq Şəfiyev məlumat verib.

Gəncənin "Kəpəz" klubunda çıxış edən 20 yaşlı oyunçunun sözlərinə görə, Abbasov komanda ilə ilk görüşündə məhz vətənpərvərlik haqqında danışıb: "Ayxan müəllim dedi ki, nəticələrin daha yaxşı olması üçün bu tələbə əməl etmək lazımdır. Azərbaycanın üçrəngli bayrağı naminə mübarizə aparmağımızın vacibliyini və bunu həm stadionda, həm də hərəkətlərimizlə göstərməli olduğumuzu vurğuladı”.

U-21 yığması Türkiyənin Antalya şəhərindəki təlim-məşq toplanışında iki yoldaşlıq görüşü keçirib. Moldova yığmasına 2:0 hesabı ilə qalib gələn Ayxan Abbasovun komandası Şimali Makedoniya ilə heç-heçə edib - 0:0.

Şəfiyev toplanışın yaxşı keçdiyini bildirib: "İlk dəfə bir araya gəlməyimizə baxmayaraq, çalışırdıq ki, baş məşqçimizin tapşırıqlarını yüksək səviyyədə yerinə yetirək. Sevinirik ki, nəticələrimiz yaxşı oldu. Amma bu, bizi aldatmamalıdır. Qarşıda bizi seçmə mərhələ gözləyir, ona hazırlaşmalıyıq. Orada daha güclü komandalara qarşı oynayacağıq”.

Bir illik aradan sonra yığmaya çağrıldığını söyləyən gənc forvard Antalya toplanışınında 1 qol və 1 məhsuldar ötürmə etdiyini xatırladıb. O, göstərilən etimada görə, baş məşqçiyə təşəkkürünü bildirib. Şəfiyev məsuliyyətini yaxşı dərk etdiyini bildirib: "Çalışdım və bundan sonra da çalışacağam ki, baş məşqçimin etimadını doğruldum, bundan da yaxşı olum. Ayxan müəllim mənə yad mütəxəssis deyil, “Turan Tovuz”da onunla işləmişəm, nə istədiyini bilirəm. Dediklərinə əməl edib, milliyə daha çox xeyir vermək istəyirəm”.

Qeyd edək ki, Avropa çempionatının seçmə mərhələsində B qrupunda yer alan U-21 millisi Portuqaliya, Çexiya, Bolqarıstan, Şotlandiya və Cəbəllütariqə qarşı mübarizə aparacaq.








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30