“Neftçi Arena” və Sumqayıtda heç-heçə

Azərbaycan Premyer Liqasında 28-ci tur davam edir.

Futbolxeber.az saytının məlumatına görə, ikinci oyun günündə daha iki matç keçirilib.

Əvvəlcə “Neftçi” öz meydanında “Araz-Naxçıvan”ı qəbul edib. Görüş heç-heçə yekunlaşıb. 

Günün ikinci görüşündə “Sumqayıt” doğma meydanda “Sabah”ı sınağa çəkib. Bu matçda da qalib aşkarlanmayıb.

Qeyd edək ki, dünən start götürən tura sabah keçiriləcək 2 görüşlə yekun vurulacaq.

Azərbaycan Premyer Liqası

XXVIII tur

29 mart (şənbə)

“Sumqayıt” - “Sabah” - 3:3

Qollar: Umarali Raxmonaliyev, 6 (0:1), Ronaldo Vaskes, 18 (1:1), Bobir Abdixolikov, 46 (2:1) Umarali Raxmonaliyev, 71 (2:2), Tellur Mütəllimov, 77 (2:3), Momo Yansane, 88 (3:3)

Hakimlər: Tural Qurbanov, Asiman Əzizli, Rəhman İmami, Elçin Məsiyev

Mehdi Hüseynzadə adına Sumqayıt şəhər stadionu

“Neftçi” - “Araz-Naxçıvan” - 1:1

Qollar: Bassala Sambu, 3 (1:0), İssuf Paro, 6 (1:1)

Hakimlər: İnqilab Məmmədov, Namiq Hüseynov, Rahil Ramazanov, Fərid Hacıyev

“Neftçi Arena”

16:00. “Kəpəz” - “Səbail”

18:00. “Zirə” - “Şamaxı”

28 mart (cümə)

“Turan Tovuz” - “Qarabağ” - 1:4

Bombardirlər: Leandro Andrade ("Qarabağ") - 11 qol, Cesse Sekidika ("Sabah") - 10 qol, Felipe Santos ("Araz Naxçıvan"), Davit Volkov ("Zirə") - 9 qol