Zirədə fantastik sonluq

Azərbaycan Premyer Liqasında 22-ci tur davam edir.

Futbolxeber.az saytının məlumatına görə, bu gün turun daha iki matçı keçirilib.

Əvvəlcə "Araz-Naxçıvan" "Kəpəz"i qəbul edib. 90 dəqiqə ərzində qapılara qol vurulmayıb. 

Günün digər oyununda "Zirə" "Neftçi" ilə qarşılaşıb. 89 dəqiqə ərzində qapılara qol vurulmasa da, matçın sonu fantastik alınıb. 5 dəqiqə ərzində 3 qol vurulub və sevinən tərəf "Neftçi" olub.

Qeyd edək ki, dünən start götürən tura sabah keçiriləcək bir matçla yekun vurulacaq.

Azərbaycan Premyer Liqası

XXII tur

10 fevral

“Zirə” - “Neftçi” - 1:2

Qollar: Emin Mahmudov, 89 (0:1), Ruan Renato, 90+1 (1:1), Ervin Koffi, 90+3 (1:2)

Hakimlər: Əliyar Ağayev, Akif Əmirəli, Müslüm Əliyev, Kamranbəy Rəhimov

Zirə İdman Kompleksinin stadionu

“Araz-Naxçıvan” - “Kəpəz” - 0:0

Hakimlər: Kamal Umudlu, Vüsal Məmmədov, Rəhman İmami, Kamran Əliyev

“Liv Bona Dea Arena”

19:00. “Qarabağ” - “Səbail”

9 fevral

“Şamaxı” - “Sumqayıt” - 1:0

“Sabah” - “Turan Tovuz” - 2:1

Bombardilər: Felipe Santos (“Araz-Naxçıvan”), Coy-Lens Mikels (“Sabah”), Davit Volkov (“Zirə”), Cesse Sekidika (“Sabah”) - 8 qol