“Neftçi” “Şamaxı” ilə oyuna hazırdır

“Neftçi” Azərbaycan Premyer Liqasının 21-ci turunda qarşılaşacağı “Şamaxı” klubu ilə matçın hazırlığı başa çatıb.

Futbolxeber.az saytının klubun mətbuat xidmətinə istinadən verdiyi məlumata görə, “ağ-qaralar” bu gün “Neftçi” Futbol Mərkəzində oyunöncəsi son məşqinə çıxıb.

Futbolçular - Rəhman Hacıyev, Rafael Quzzo və Dembo Darbo son 2 matçda olduğu kimi, bu görüşdə də zədə səbəbindən iştirak etməyəcəklər.

Qeyd edək ki, yanvarın 31-i “Neftçi Arena”da keçiriləcək “Neftçi” - “Şamaxı” oyunu saat 18:30-da başlanacaq.