"Turan Tovuz"un Bakıdakı bazasının son vəziyyəti açıqlandı

"Turan Tovuz" Bakıda yeni bazasının tikintisini davam etdirir.

Futbolxeber.az saytının məlumatına görə, bu barədə klubun mətbuat xidməti açıqlama yayıb.

Bildirilib ki, Kürdəxanı layihəsinin inşası sürətlə davam edir.

Məşq bazasının tikintisi ilə yanaşı, meydançaların ot örtüyünün ideal vəziyyətə gətirilməsi üçün son tamamlama işləri aparılır.

Qeyd edək ki, Kürdəxanı layihəsi ciddi maliyyə xərclərindən azad olmaq və klubun bütün yaş qrupları üzrə komandalarının Bakı səfəri zamanı rahat şəkildə oyunöncəsi məşqlərini təbii örtüklü meydançalarda həyata keçirməsi üçün nəzərdə tutulub.