“Neftçi” - “Zirə” oyununun biletləri satışda

Azərbaycan Premyer Liqasının 14-cü turu çərçivəsində keçiriləcək “Neftçi” - “Zirə” matçının biletləri satışa çıxarılıb.

Futbolxeber.az saytının məlumatına görə, qiyməti 3 (“Şərq-1”, “Şərq-2” və “Qərb-1” sektorları), 10 (“Cənub-üst” sektoru), 15 (“Cənub-alt” sektoru) və 35 (VIP) AZN təşkil edən biletləri aşağıdakı keçidə daxil olaraq onlayn şəkildə əldə etmək olar:

https://iticket.az/events/sport/neftci-pfk-zire-fk2/135262

“Neftçi Arena”nın kassalarında isə “Forza” və “Qərb-2” sektorlarına olan biletlər (qiyməti 3 AZN) oyun günü saat 12:00-dan etibarən satışda olacaq.

Xatırladaq ki, artıq 1A və 2A sektorları “Forza”, 1B “Şərq-1”, 2B “Şərq-2”, 3A “Cənub-alt”, 3B “Cənub-üst”, 4A “Qərb-1”, 5A isə “Qərb-2” adlanır.

Əlavə edək ki, noyabrın 23-ü “Neftçi Arena”da keçiriləcək “Neftçi” - “Zirə” oyunu saat 19:00-da start götürəcək.