“Turan Tovuz” - “Qarabağ” oyununun biletləri satışa çıxdı

Azərbaycan Premyer Liqasının XII turu çərçivəsində keçiriləcək “Turan Tovuz” - “Qarabağ” oyununun biletləri satışa çıxıb.

Futbolxeber.az saytının məlumatına görə, azarkeşlər biletləri bu gündən etibarən Tovuz stadionunun kassasından və şəhərin mərkəzində yerləşən satış məntəqəsindən əldə edə bilərlər.

2 AZN-lik biletlərlə yanaşı, məhdud sayda olan 5 AZN-lik VİP biletlər də satışdadır.

Qeyd edək ki, “Turan Tovuz” - “Qarabağ” matçı 1 noyabr tarixində, saat 18:30-da Tovuz şəhər stadionunda baş tutacaq. “Turan Tovuz” azarkeşləri komandaya dəstək olmağa dəvət edir: “Biletini al, komandana dəstək ol!”