“Neftçi”nin sabiq “Roma”lısı: “Qarşımızda “Şamaxı” və ya “Qarabağ”ın olması fərq etmir”

“Neftçi”nin müdafiəçisi Mustafa Sekin Futbolxeber.az saytına müsahibəsi

- Azərbaycan Premyer Liqasının beşinci turunda “Şamaxı” ilə görüşdə heç-heçə (0:0) oynadınız. Qələbə qazanmağınıza nə mane oldu?

- Oyun heç də asan keçmədi. Meydanın durumu da müəyyən çətinliklər yaradırdı. Epizodlarımız var idi. Onları dəyərləndirsəydik, matçın taleyini həll edə bilərik. Lakin yaxaladığımız qol şanslarından faydalana bilmədik. Bütün bunlar da yekunda xal itirməyimizə səbəb oldu. Pozitiv məqamları artırmalıyıq. Bu halda yaxşı nəticələr qazanacağıq.

- “Neftçi”nin 5 oyundan sonra 4 xalı var və komanda qələbəyə həsrətdir. Problem nədədir, nə çatışmır?

- Çatışmayan bircə qələbədir. Bir qələbə qazansaq, ardı gələcək. Ondan sonra qələbələri sıralıya bilərik. İnanıram ki, qarşıdakı matçlarda vəziyyəti dəyişə biləcəyik.

- Autsayder gözü ilə baxılan “Şamaxı” ilə matçda qələbə qazana bilməyən “Neftçi”nin növbəti 2 turda qarşılaşacağı “Zirə” və “Qarabağ”ı məğlub etməsi nə dərəcədə realdır?

- İnanın ki, rəqibin kim olması önəmli deyil. Əsas öz oyunumuzdur. Öz oyunumuzu göstərsək, qarşımızda “Şamaxı” və ya “Qarabağ”ın olması fərq etmir. İnanıram ki, qarşıdakı matçlarda yaxşı nəticələr qazanacağıq. Növbəti görüşlərə pozitiv yanaşıram.

- “Neftçi”yə tam uyğunlaşa bilmisiniz?

- Deməzdim tam adaptasiya olmuşam. Bir qədər vaxta ehtiyac var. Amma çalışıram ki, bu prosesi sürətləndirim. Komanda yoldaşlarım da sağ olsunlar, mənə kömək olurlar.

- Karyeranıza baxarkən “Barselona”, “Latsio”, “Roma” kimi nəhəgnlərin adlarını görürük. Azərbaycana gəlmək barədə çox düşündünüz?

- “Neftçi”nin nümayəndələri ilə danışarkən onlar mənə klub haqda lazımi məlumatları verdilər. Özüm də maraqlandım. Bilirəm ki, “Neftçi” tarixi klubdur, böyük nəticələri var. Bütün bunları nəzərə alaraq gəlməyə qərar verdim. Rəhbərlik tərəfindən uğur qazanmaq üçün hər şərait yaradılıb. Bizə yalnız qələbə qazanmaq qalır.

- Əvvəldən “Neftçi”dən, yaxud digər klublardan kimisə tanıyırdınız?

- Yeganə tanıdığım oyunçu “Zirə”nin qapıçısı Tiaqo Silva idi.

- Azərbaycan çempionatınını səviyyəsini necə dəyərləndirirsiniz?

- Hər çempionatın öz çətinlikləri var. Azərbaycanda keyfiyyətli oyunçular çoxdur. Öz komandamızda ilk növbədə Emin Mahmudovu qeyd edərdim.

İbrahim Cəfərov