Nazir: “Belə yarışların keçirilməsi uşaq futbolunun inkişafı üçün çox vacibdir”

“Belə yarışların keçirilməsi uşaq futbolunun inkişafı üçün çox vacibdir”.

Futbolxeber.az saytının məlumatına görə, bunu gənclər və idman naziri Fərid Qayıbov Qubada 12 yaşadək futbolçular arasında keçirilən “Ulduz Cup” beynəlxalq turnirinin açılış mərasimində deyib.

Jurnalistlərə açıqlamasında nazir bu cür yarışların keçirilməsində futbol klublarının da iştirak etməsinin zəruriliyini bildirib.

Qubanın idman paytaxtı olduğunu xatırladan Fərid Qayıbov burada idmanın inkişafı üçün dövlət tərəfindən möhtəşəm şəraitin yaradıldığını vurğulayıb: “Quba Olimpiya Kompleksi yenidən qurulub. Kompleksdə müxtəlif idman növləri üzrə komandalar həm təlim-məşq toplanışları keçirir, həmçinin beynəlxalq idman yarışları təşkil olunur. Çox sevindirici haldır ki, bu ildən Qubanın liqada öz komandası olacaq. Onlara uğurlu çıxışlar arzulayıram”.

Fərəc Aslanov, Quba