"Kəpəz"in baş məşqçisi: "Bizi ağır iş gözləyir"

"Kəpəz"in yeni baş məşqçisi Azər Bağırov açıqlama verib.

 

Futbolxeber.az saytının klubun mətbuat xidmətinə istinadən verdiyi məlumata görə, Bağırov Gəncə təmsilçisindəki gözləntilərindən danışıb: 

 

“Komandanın durumu ilə bağlı bizi ağır iş gözləyir. Çempionatda bütün oyunlarda məğlub olmuşuq, çox da qol buraxmışıq. Çalışıb bunu aradan qaldıracağıq. Vəziyyətlə bağlı klub rəhbərliyi ilə fikir mübadiləsi aparmışıq. Gəncənin, “Kəpəz”in Azərbaycan futbolunda xüsusi yeri, əvəzolunmaz mövqeyi var. Burada futbolu həddindən çox sevirlər. İnşallah, Gəncə futbolunun ənənəsini geri qaytarmaq üçün işlər görəcəyik. Yaxşı, döyüşkən komanda formalaşdıraraq düşdüyümüz vəziyyətdən çıxacağıq. Buna inanıram. Hamıdan bu işə dəstək istəyirəm. Azarkeşlər “Kəpəz”in güclü tərəfidir, əsas üstünlüyüdür. Komandamızı ruhlandıraq, qələbələrə səsləyək".

 

Qeyd edək ki, "Kəpəz" Azər Bağırovla iki illik müqavilə imzalayıb.