Coşqunun qayıdışı “Bandırmaspor”u xilas etmədi

Türkiyə birinci liqasında 4-cü turun oyunları keçirilir.

Futbolxeber.az saytının məlumatına görə, millimizin yarımmüdafiəçisi Coşqun Diniyevin formasını geydiyi “Bandırmaspor” səfərdə “Şanlıurfaspor”un qonağı olub.

Zədə səbəbindən ötən matçda iştirak etməyən Coşqun bu dəfə 81-ci dəqiqədə meydana çıxıb. Lakin bu, “Bandırmaspor”u 2:3 hesablı məğlubiyyətdən xilas etməyib.

Mövsümdə ilk dəfə məğlubiyyət acısı yaşayan Diniyevin komandası hazırda 7 xalla turnir cədvəlində 5-ci yeri tutur.