"Xəzər Lənkəran"dan yeni məşqçi ilə bağlı açıqlama

"Con Toşak öz istəyi ilə istefa verib. Bu səbəbdən də hər hansı kompensasiyadan söhbət gedə bilməz". Futbolxeber.az saytına verdiyi açıqlamada bu sözləri "Xəzər Lənkəran"ın mətbuat xidmətinin rəhbəri Hüseyn Cəbrayıloğlu deyib.

Klub rəsmisi yeni çalışdıcının əcnəbi olacağını qeyd edib: "Hazırda klub rəhbərliyi yeni məşqçi ilə bağlı araşdırma aparır. Qarşıdakı günlərdə yeni baş məşqçinin kim olacağını rəsmən açıqlanacaq. İndi yalnız onu deyə bilərəm ki, yeni məşqçimiz də əcnəbi olacaq. Bu dəqiqdir".

H.Cəbrayıloğlu sabiq çalışdırıcı Mirça Rednikin qayıdışına qısa cavab verib: " Rednikin hazırda klubu ilə müqaviləsi var".