"Fehervar"ın baş məşqçisi: "Sumqayıt" fiziki cəhətdən çox güclü komandadır"

"Fehervar"ın baş məşqçisi Tamaş Peto Konfrans Liqasının 2-ci təsnifat mərhələsində "Sumqayıt"ı iki oyunun cəmində məğlub edərək növbəti mərhələyə yüksəlməkləri barədə danışıb.

 

Futbolxeber.az saytının məlumatına görə, bu komandalar arasında cavab görüşündə 0:0 hesabı qeydə alınıb. Macarıstan klubu "Sumqayıt"a ilk matçda qalib gəldiyi üçün (2:1) mərhələ adlayan tərəf olub. 

 

Tamaş Peto isə cavab görüşündən sonra "Sumqayıt"ın fiziki cəhətdən güclü komanda olduğunu deyib: "Mərhələ adladığımız üçün çox şadam, əvvəlcədən gözlədiyim kimi, çox çətin matç oldu. Rəqibimiz fiziki cəhətdən güclü komanda idi. Öz komandamda yorğunluq hiss etdim. Buna görə də çoxlu səhvlərə yol verdik. Az oyun keçirmişik. Oyunçuları rotasiya etməyə və komandanı yeniləməyə çalışdıq. Xoşbəxtlikdən, bir neçə mövqedə istifadə edə biləcəyimiz oyunçularımız var".