II Liqaya vəsiqə qazanan komanda məlum oldu

Azərbaycan II Liqasına vəsiqə uğrunda pley-off mərhələsinin cavab oyunu keçirilib.

Futbolxeber.az saytının məlumatına görə, Region Liqası təmsilçisi "Hypers" son mövsümdə II Liqada mübarizə aparmış "Şəfa" ilə qarşılaşıb.

İlk matçda 2:0 qələbə qazanan "Hypers" ikinci görüşdə də qalib gəlməklə rəqibini üstələyib. İki oyunun nəticəsinə əsasən 4:1 hesabı ilə qalib gələn “Hypers” növbəti mövsüm II Liqada mübarizə aparmaq hüququ əldə edib.

Qeyd edək ki, "Hypers" AFFA Region Liqasının son mövsümündə 2-ci yeri tutub. "Şəfa" isə isə 2-ci Liqanın 2023/24 mövsümünü 18 xalla 13-cü pillədə başa vurub.

5 iyun (çərşənbə)

“Hypers” - “Şəfa” - 2:1

Qollar: Vüqar Nadirov, 2, Məhəmməd Alıyev, 45+2 - Ramiz Qasımov, 65

Hakimlər: Elvin Bayramov, Kərim Zeynalov, Tərlan Talıbzadə, Əkbər Əhmədov

“ASCO Arena”