“Şamaxı” baş məşqçi məsələsi ilə bağlı hələ qərar qəbul etməyib

Yenidən Premyer Liqaya qayıdan “Şamaxı” klubu hələ ki baş məşqçi məsələsi ilə bağlı qərar qəbul etməyib.

Klubun idman direktoru Kamran İsmayılov Futbolxeber.az saytının baş məşqçi məsələsi ilə bağlı sualına cavabında bu barədə deyib:

“Sözsüz ki, praktiki olaraq rəhbərliklə hər gün görüşümüz olur, müzakirələr aparılır. Lakin bütün mətbuatın gözlədiyi baş məşqçi məsələsi ilə bağlı hələ ki nöqtə qoyulmayıb”.  

Xatırladaq ki, I Liqada çempion olan komandaya Ramiz Məmmədov başçılıq edib.