Krivotsyukun komandası 90+13- də məğlubiyyətdən qaçdı

Cənubi Koreya çempionatında 12-ci turun oyunları keçirilir.

Futbolxeber.az saytının məlumatına görə, millimizin müdafiəçisi Anton Krivotsyukun formasını geydiyi “Dyajeon” səfərdə “Qanqvon”un qonağı olub.

Meydana start heyətində çıxan Krivotsyuk görüşü əvəzolunmadan keçirib.

İlk 22 dəqiqə ərzində rəqib qapısına 2 dəfə yol tapan Krivotsyukun komandası ikinci hissədə hesabda geri düşüb. Yalnız 90+13-cü dəqiqədə penaltidən vurulan qol “Dyajeon”a 1 xal qazandırıb - 3:3.

12 turdan sonra 11 xalı olan Krivotsyukun komandası 10-cu pillədə qərarlaşıb.