4 Aprel 2025, Cümə
Millimiz FİFA reytinqində gerilədi
Samir Abasov: “İnam 100 faiz var”
Elmar Baxşıyevdən qələbə şərhi
II Liqada XIX tura start verildi

Ölkə futbolu

Otto Con: “3 xal bizim üçün çox vacib idi”

“Oyun çətin keçdi. Xarakter göstərməyə çalışdıq. Bu matçda 3 xal bizim üçün çox vacib idi”.

Futbolxeber.az saytına müsahibəsində bu sözləri “Turan Tovuz”un hücumçusu Otto Con Azərbaycan Premyer Liqasının 34-cü turunda səfərdə “Araz-Naxçıvan”ı 1:0 hesabı ilə məğlub etdikləri oyun barədə danışarkən deyib.

Nigeriyalı forvard xarakter nümayiş etdirdiklərini bildirib: “Bütün gücümüzü meydanda göstərdik. Komanda olaraq birlikdə xarakter nümayiş etdirdik və lazım olan 3 xalı qazandıq. Bu nəticəyə görə sevinirəm. Belə də davam etməliyik”.

O.Con son iki matçda maksimum nəticə qazanmaq istədiklərini söyləyib: “Artıq mövsümün sonu yaxınlaşır. Çempionatda cəmi iki oyunumuz qalıb. Əvvəlcə səfərdə “Qarabağ”la, sonra isə evdə “Kəpəz”lə üz-üzə gələcəyik. Çempionatı yaxşı əhval-ruhiyyə ilə başa vurmaq istəyirik. Buna görə də hər iki matçda hədəfimiz qələbədir. Həm “Qarabağ”, həm də “Kəpəz”lə matçda maksimum nəticə qazanmaq arzusundayıq”.

26 yaşlı futbolçu yeni mövsümdə də Tovuz klubunda çıxış edib-etməyəcəyi barədə sualı dəqiq cavablandırmayıb: “İndi bu barədə dəqiq bir söz deməkdə çətinlik çəkirəm. Mövsümün sonunu gözləmək lazımdır. Çempionat bitdikdən sonra “Turan Tovuz”la danışıqlarımız olacaq. Birgə müzakirədən sonra qərar qəbul edəcəyik. Hazırda bütün diqqətimi qarşıdakı 2 matça yönəltmişəm. Odur ki, növbəti mövsümün perspektivi barədə indidən danışa bilmərəm”.    

Fərəc ASLANOV

 








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30