AFFA dava ilə bağlı qərarını açıqladı: 10 oyun azarkeşsiz

AFFA İntizam Komitəsi mayın 8-i U-16 Liqasında keçirilən “Kəpəz” - “Qəbələ” oyununda yaşanan insidentlə əlaqədar qərarlar çıxarıb.

Futbolxeber.az saytının məlumatına görə, oyun vaxtı rəqib oyunçu və hakimi təhqir etdiyinə görə "Kəpəz"in 2 futbolçusu 3 və 4 oyun, 2 oyunçusu rəqib komandanın futbolçularını vurduğuna görə 6 oyunluq cəzalanıb. Bu cəza bütün liqalara şamil edilir.

Bundan başqa, oyun bitdikdən sonra "Kəpəz" PFK U-16 komandasının 2 azarkeşi meydana daxil olaraq rəqib komandanın futbolçularını vurduğuna görə, uşaq və gənclər liqalarında pul cəzası olmasa da, müstəsna hal olaraq “Kəpəz” PFK U-16 komandası 500 manat cərimə edilib. Bundan başqa, “Kəpəz” PFK U-16-nın növbəti 10 ev oyunu azarkeşsiz keçiriləcək.