“Qəbələ”nin kapitanının 818 günlük həsrəti bitdi

Azərbaycan Premyer Liqasının 25-ci turu çərçivəsində “Səbail”ə qarşı keçirilən oyunda “Qəbələ”nin kapitanı Urfan Abbasov 13-cü dəqiqədə hesabı açıb.

Futbolxeber.az saytının hesablamasına görə, bununla da 31 yaşlı futbolçu 818 gündən sonra “Qəbələ”nin heyətində Azərbaycan Premyer Liqasında qol sevinci yaşayıb.

Abbasov sonuncu dəfə “Qəbələ” formasında 2021/22 mövsümündə ölkə çempionatında fərqlənmişdi. Həmin vaxt 13-cü tur çərçivəsində səfərdə “Zirə”yə qarşı keçirilən görüşdə Urfan “Qəbələ”nin qollarından birinin müəllifi olmuşdu. Həmin matçda “Qırmızı-qaralar” səfərdə “Zirə”yə 2:1 hesabı ilə qalib gəlmişdi.