“Karvan”dan hakimlərə etiraz: “Təmiz futbol, ədalətli qərarlar istəyirik!”

Premyer Liqanın ardınca I Liqada da hakimlərin idarəçiliyindən narazılıqlar başlayıb.

Futbolxeber.az saytının məlumatına görə, “Karvan” klubu ötən gün 12-ci tur çərçivəsində “Zaqatala” ilə görüşdə hakimlərin qərarına etiraz edir. Bununla bağlı Yevlax təmsilçisinin açıqlamasıı olduğu kimi təqdim edirik:

“Karvan” futbol klubu olaraq “Zaqatala” ilə keçirilən son oyunumuzda əleyhimizə verilən qərarlar ilk dəfə hakimliklə bağlı etiraz etməyimizə səbəb olur. Belə səhvlərlə bir çox oyunda qarşılaşsaq da. sadəcə son oyundan videogörüntünü təqdim edirik. Bütün rəqiblərə hörmətlə yanaşırıq, təmiz futbol, ədalətli qərarlar istəyirik!”