“Qalib gəlmək istəyi futbolçularda gərginliyə gətirib çıxardı”

"Futbolçularımı yaxşı oyuna görə təbrik edirəm. Azarkeşlərimiz də həmişəki kimi, möhtəşəm idilər".

Futbolxeber.az saytının məlumatına görə, bu sözləri "Sumqayıt"ın məşqçisi Mübariz Orucov Azərbaycan Premyer Liqasının 14-cü turunda bu gün "Zirə" ilə keçirilən oyundan sonra mətbuat konfransında deyib.

O, "Zirə"nin 2-ci hissədə aşkar üstünlüyü olması fikri ilə razılaşmayıb: "Oyun meydanın mərkəzində gedirdi. Ola bilər ki, rəqib birinci hissə ilə müqayisədə fasilədən sonra bir az aktiv oynadı. İkinci hissə gərginliklə yadda qaldı. Uduzmamaq, qalib gəlmək istəyi futbolçularda gərginliyə gətirib çıxardı. Ola bilər ki, ona görə oyunumuzda eniş yaşandı. Amma "Zirə"nin aşkar üstün olması fikri ilə razılaşmıram".