Azər Əliyev: “Qurban Qurbanov daim ədalət prinsiplərinə əməl edir”

Milli Olimpiya Komitəsinin baş katibi Azər Əliyev “Qarabağ” futbol klubunun baş məşqçisi Qurban Qurbanov barədə danışıb.

Futbolxeber.az saytının məlumatına görə, Bakıda keçirilən Avropa Ədalətli Oyunlar Hərəkatının Konqresində çıxışı zamanı A.Əliyev Qurbanovun bu yaxınlarda Beynəlxalq Feyr Pley Komitəsi tərəfindən karyerası ərzində daim “ədalətli oyun” prinsiplərinə sədaqətinə görə, dünyanın ən nüfuzlu Feyr Pley mükafatı - “Joao Barotra” diplomuna layiq görülməsindən də söz açıb: “Qarabağ” klubunun baş məşqçisi Qurban Qurbanov oyunlar zamanı daim ədalət prinsiplərinə əməl edir. Məhz bu səbəbdən də dəfələrlə müxtəlif fair-play mükafatlarına layiq görülüb”.

Əlavə edək ki, Bakıda keçirilən Avropa Ədalətli Oyunlar Hərəkatının Konqresində yerli idman qurumlarının, eləcə də ölkəmizə səfər edən Avropa Ədalətli Oyunlar Hərəkatına üzv ölkələrin nümayəndələri iştirak edirlər.

Fərəc ASLANOV