15 Iyun 2024, Şənbə
Avro-2024-ün ilk qolu vuruldu
Musa Qurbanlı “Qarabağ”a qayıtdı
Avro-2024: Futbolxeber.az-la qazan!
Davit Volkov yenidən “Zirə”də

Ölkə futbolu

Elmar Baxşıyev: "Uçurumun dibindəyik"

"Ağır oyun olacağını bilirdik. Oyunun dinamikasından razı qalmadım. Komandam istədiyim tempi göstərə bilmədi".

Futbolxeber.az saytının məlumatına görə, bu sözləri "Qəbələ"nin baş məşqçisi Elmar Baxşıyev Azərbaycan Premyer Liqasının 12-ci turunun "Neftçi" ilə oyunundan sonra keçirilmiş mətbuat konfransında deyib.

O. evdə 0:2 hesabı ilə uduzduqları matçı belə şərh edib: "Neftçi" elə "Neftçi"dir. Dinamikasız oyunun şahidi olduq. Rəqib əlinə düşən fürsətlərdən maksimum yararlandı. Çox danışmaq istəmirəm. Danışmaqla nəsə düzəlməyəcək. Uçurumun dibindəyik".

Baxşıyev heyətlə bağlı çətinliklərinin olduğunu bildirib: "Stress hərdən məsuliyyət gətirir. Nəticəyə görə stress yoxdur. Emil Səfərovla Ahmed Ayzayanın zədələnməsi bizi rotasiyalara məcbur edir. Ayyub Allaşı dayaq yarımmüdafiəçisi mövqeyində oynadırıq. Heyətlə bağlı sıxıntımız var. Hücumda aktivliyi artırsaq, nəticələr gələcək".

Baş məşqçi Osama Xalayla və Ayyub Allaşı əvəzləməsinin səbəbini də açıqlatıb: "Əvəzetməni nəyəsə ümid edib reallaşdırırsan. Xalaylanın hərarəti var idi. Əslində bu gün oynamalı deyildi. Matçın sonunda aktivliyi aşağı düşmüşdü. Allaşa gəlincə, hücumu gücləndirmək üçün dəyişdik".

E.Baxşıyev komandasında yalnız qol vurmaq çatışmazlığının olduğunu qeyd edib: "Futbolçularda güc, birlik var, möhkəm kollektivik. Oyunlar da göstərir ki, meydanda aciz deyilik. Sadəcə qollar vura bilmirik. Ümidsiz deyilik. Komanda şəklində toparlanıb daha samballı nəticələr əldə edəcəyik".

Baş məşqçi "Şansınız olsaydı, futbolçu transfer edərdiniz?" sualını belə cabalandırıb: "Əlbəttə. Son yerlərdə gediriksə, nələrsə ideal deyil. Axsayan yerlərimiz var, bunu görürük. Amma hər şey bizim istəyimizlə deyil. Mənim istəyimlə olsaydı, ötən ilki komanda dağılmazdı".




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Iyun 2024
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30