“Qarabağ”ın “Kəpəz”lə oyunlarının yeri dəyişdirildi

Azərbaycan Premyer Liqasının 2-ci dövrəsinin “Kəpəz” - “Qarabağ” və 3-cü  dövrənin “Qarabağ” - “Kəpəz” oyunlarının yerləri dəyişdirilib.

Futbolxeber.az saytının məlumatına görə, Peşəkar Futbol Liqası “Qarabağ” klubunun müraciəti, “Kəpəz” klubunun razılıq məktubundan sonra bu qərarı verib.

Bu addım “Qarabağ”ın Avropa Liqasının qarşıdan gələn “Bayer Leverkuzen”lə (Almaniya) oyununa daha yaxşı hazırlaşa bilməsi məqsədilə atılıb.

Beləliklə, 12-ci turun oyununda “Qarabağ” “Kəpəz”i qəbul edəcək. Noyabrın 4-də Tofiq Bəhramov adına Respublika stadionunda keçiriləcək qarşılaşma saat 16:00-da başlayacaq. Komandalar arasında  2024-cü il, yanvarın 26-da keçiriləcək 3-cü dövrənin matçında (20-ci tur) isə "Kəpəz" öz meydanında "Qarabağ"la qarşılaşacaq.