Qurban Qurbanov: “Araz-Naxçıvan”a bu gün qələbəni haqq elədi”

“Araz-Naxçıvan” bu gün qələbəni haqq elədi. Bizim üçün oyun istədiyimiz kimi alınmadı”.

Futbolxeber.az saytının məlumatına görə, bu sözləri “Qarabağ”ın baş məşqçisi Qurban Qurbanov Azərbaycan Premyer Liqasının XI turunda “Araz-Nazçıvan”a 1:2 hesabı ilə uduzduqları oyundan sonra deyib.

CBC Sport-a açıqlamasında təcrübəli mütəxəssis rəqibin üstün cəhəti kimi məşqçilər korpusunu qeyd edib: “Araz-Naxçıvan”da çox istəki, bacarıqlı məşqçilər yığışıb. Onların əksəriyyəti futbolu yeni qurtarıblar. Futbolçu kimi necə istəklidi idilərsə, indi də məşqçi kimi istəklidilər”.

Qurbanov ardıcıl 3 matçda qələbə qazana bilməyən “Qarabağ”da eniş olması fikri ilə razılaşıb: “Nəticə yoxdursa, komandada eniş var demək olar. Rəqiblərimiz bizə qarşı daha inamlı olublar, daha yaxından tanıyırlar. İnşallah qarşıdakı oyunlarda vəziyyəti düzəltməyə çalışacağıq”.