“Dinamo” Azərbaycan çempionatında 7062 gündən sonra qol vurdu

II Liqada ilk turun oyunları davam edir.

Futbolxeber.az saytının məlumatına görə, yenidən Azərbaycan futboluna qayıdan “Dinamo” səfərdə “Sheki City” ilə qarşılaşır.

İlk hissədən sonra paytaxt klubu 1:0 hesabı ilə öndədir. Matçdakı yeganə qolu penaltidən Valeh Seyidov vurub.  

Hesablamamıza görə, “Dinamo” 7062 gündən sonra Azərbaycan çempionatlarında qol vurub. Belə ki, komanda bu ad altında sonuncu görüşünü 2004-cü ildə səfərdə MOİK-ə qarşı keçirmişdi. Yüksək Liqanın son turuna təsadüf edən həmin görüşdə 1:1 hesabı ilə yekunlaşmışdı. “Sheki City” ilə oyunla yenidən Azərbaycan futboluna qayıdan “Dinamo” Valeh Seyidovun qolu ilə 7062 gündən sonra ölkə çempionatında fərqlənib.