“Üstünlük “Ravuk”un tərəfində olsa da, inanıram ki, “Qarabağ” mərhələ adlayacaq”

“Hazırda üstünlük “Rakuv” tərəfdədi. Çünki ilk oyunda qələbə qazanıblar. Amma inanıram ki, “Qarabağ” lazım olan nəticəni əldə edəcək mərhələ adlayacaq”.

Futbolxeber.az saytına açıqlamasında bu sözləri təcrübəli mütəxəssis Yaşar Vahabzadə deyib.

Bu gün UEFA Çempionlar Liqasının ikinci təsnifat mərhələsinin cavab oyunu çərçivəsində keçiriləcək “Qarabağ” - “Rakuv” matçı barədə danışan gənclər millimizin və “Kəpəz”in sabiq baş məşqçisi Polşa çempionunun güclü rəqib olduğunu qeyd edib:

“Bugünkü oyun heç də asan olmayacaq. “Rakuv” güclü rəqibdi. Polşa çempionu yaxşı müdafiə olunmağı bacarır, nizam-intizamlı komandadı. Lakin unutmayaq ki, “Qarabağ” evdə oynayır, azarkeş dəstəyi olacaq. Üstəlik, “Qarabağ” hər mövsüm avrokubokların startında oyundan-oyuna artırır. Bütün bunları nəzərə alaraq, “Qarabağ”dan qələbə gözləyirəm. İnanıram ki, komanda yenə də uğurlu nəticə ilə hamımızı sevindirəcək”.

Fərəc ASLANOV