PFL-in vitse-prezidenti: “Hər 4 klubumuzdan avrokuboklarda uğur gözləyirik”

“Qarabağ” ilk oyunda səfərdə qalib gəlib. Lakin arxayınlaşmaq olmaz. İnanırıq ki, “Qarabağ” yenə də inamlı çıxışı ilə bizləri sevindirəcək”.

Futbolxeber.az saytının məlumatına görə, bu sözləri Peşəkar Futbol Liqasının vitse-prezidenti Aslan Şahgəldiyev deyib.

Azərbaycan Premyer Liqasında 2023/2024-cü illər mövsümünün püşkatma mərasimində çıxış edən Şahgəldiyev klublarımızın avrokuboklarda uğurlu çıxışının çempionatımız üçün də vacib olduğunu bildirib: “Hər 4 klubumuzdan avrokuboklarda uğur gözləyirik. Düzdür, rəqib amili də var. Məsələn, ən güclü rəqib “Qəbələ”yə düşüb. Üstəlik, bu komandanın heyətində ciddi dəyişikliklər baş verib. Lakin klub rəhbərliyi işini bilən insanlardı. İnanırıq ki, “Qəbələ” çətinliklərin öhdəsindən gələcək. “Neftçi”də də müəyyən müddət qeyri-müəyyənlik idi. Lakin artıq hər şey qaydasına düşür. “Sabah” da ötənmövsümkü çıxışı ilə çempionatımıza rəng qatdı. Bütün klublarımızdan uğurlar gözləyirik. Klublarımız avrokuboklarda uğur qazandıqca çempionatn reytinq xalı artır”.

Fərid FAİQOĞLU