“Qarabağ”ın keçmiş kapitanı: “Linkoln”un təhlükəli əks hücumları var”

“Hər zaman yalnız növbəti oyunu fikirləşmişəm. İndiki məqamda da ən düzgünü budur”.

Futbolxeber.az saytının məlumatına görə, bu sözləri “Zirə”nin baş məşqçisi Rəşad Sadıqov sabiq klubu “Qarabağ”ın Çempionlar Liqasının birinci mərhələsində “Linkol”u mübarizədən kənarlaşdırmaq baxımından çətinliklə üzləşməməli olması sualı cavablandırarkən deyib.

Ağdam klubunun sabiq kapitanı indidən ikinci mərhələ barədə düşünməyin düzgün olmadığını bildirib: “Linkoln”un təhlükəli əks hücumları var. Üstəlik, “Qarabağ” doğma meydanda, yəni Respublika stadionunda oynamayacaq.  Hamının məhz yalnız cavab oyununu düşünməsi daha məsləhətlidi. Turu keçəndən sonra növbəti mərhələ barədə düşünmək olar. “Qarabağ”a da, avrokuboklarda çıxış edən digər klublarımıza da azarkeşik edəcəyik. İnşallah ki hamısı mərhələ adlayar”.