"Sumqayıt"da sensasion ayrılıq

“12 il, 2 gün heç də az müddət deyil. “Sumqayıt” Premyer Liqaya yüksələn gündən onun uğurları, irəli getməsi, daha yüksək zirvələrə yüksəlməsi üçün əlimdən gələni etmişəm.  Çalışdığım müddətdə üzərimə düşən işi vicdanla və şərəflə yerinə yetirmişəm”.

Futbolxeber.az saytının məlumatına görə, bu sözləri Sport24.az-a açıqlamasında "Sumqayıt"ın artıq sabiq mətbuat katibi Rəşad Məmmədov deyib.

Uzun müddət “kimyaçılar”ın mətbuat katibi vəzifəsini icra edən Məmmədov artıq eyni missiyanı “Səbail”də yerinə yetirəcək. Məmmədov fürsətdən istifadə edib klub rəhbərliyinə, məşqçilər korpusuna, sumqayıtlı azarkeşlərə minnətdar olduğunu söylədi: “Bu illər ərzində rəhbərliklə, futbolçularla, xüsusilə də azarkeşlərlə həmişə xoş münasibətdə olmuşam. Sumqayıt futbol şəhəridi, azarkeşlər istər pis, istərsə də yaxşı gündə komandanın yanında olublar. Rəhbərlik də daim çalışıb ki, klub inkişaf etsin, daha uğurlu nəticələrə imza atsın. Vidalaşmaq həmişə çətin olur. Açığı, ürəyimdə çox sözlər var, ancaq indi tapıb deyə bilmirəm. Bundan sonra “Səbail”in uğurları üçün çalışsam da, “Sumqayıt” sevgisi həmişə ürəyimdə yaşayacaq”.